Welcome
to
Comhar Chuigéal
Is féidir an irisleabhar a cheannacht sna siopaí aitiúil
agus i Caife na Feamainne.
ÓCÁID ÓMÓIS DO PHÓL Ó FOIGHIL
Teastaíonn do chabhair uainn
Tá Comhar Chuigéal ag ullmhú d’ócáid speisialta ómóis do Phól Ó Foighil, a bheidh ar siúl an
27ú Samhain.
Ba mhaith linn an deis seo a thapú le saol agus oidhreacht Phóil a cheiliúradh, agus aitheantas a thabhairt do gach a rinne sé ar mhaithe leis an nGaeltacht, na hOileáin, an Ghaeilge agus na pobail éagsúla a mbíodh sé ag obair leo agus ar a son.
Tá muid ag iarraidh oraibhse, muintir na háite agus an pobal i gcoitinne, cabhrú linn an ócáid seo a dhéanamh chomh speisialta agus is féidir.
An bhfuil aon chuimhní cinn, scéalta, pictiúir, nó ábhar eile agaibh a bhaineann le Pól?
Bheadh fáilte mhór againn roimh:
• Scéalta nó cuimhní pearsanta faoi Phól.
• Pictiúir de Phól ag imeachtaí, cruinnithe nó ag ócáidí pobail.
• Eolas faoina chuid oibre agus faoin tionchar a bhí aige ar phobail éagsúla
• Aon ábhar as nuachtáin nó ábhar eile a thabharfadh léargas ar an bhfear agus ar an méid a bhain sé amach.
Bheadh sé iontach dá bhféadfadh muid an oiread ábhair agus is féidir a bhailiú lena oidhreacht a chaomhnú le haghaidh na nglúnta atá le teacht.
Má tá aon eolas nó pictiúir agaibh, téigh i dteagmháil le Comhar Chuigéal le bhur dtoil ag 091 551 553 nó ag cuigeal@gmail.com
Is mór againn bhur gcabhair agus bhur gcomhoibriú.
Le chéile, coinneoidh muid cuimhne agus oidhreacht Phóil beo.
Coiste Chomhar Chuigéal
Leitir Mealláin
.png)
Margadh Na Nollag
Halla Pobail
Chomhar Chuigéal
Leitir Mealláin
H91 CH7X
Dé Domhnaigh 6ú Nollaig
12-3i.n.
FÚINN
Beagán Cúlra
Tá Leitir Mealláin suite ar imeall thiar thuaidh Chuan na Gaillimhe, Ceantar Gaeltachta i gcróilár Chonamara, 36 míle ó chathair na Gaillimhe. Tá Leitir Mealláin ar cheann de na trí Oileán ar a dtugtar Ceantar na nOileán
Saibhir i nGaeilge agus sa chultúr, bhí ceangal láidir i gcónaí ag muintir Leitir Mealláin leis an bhfarraige, rud a fhágann gur gníomhaíocht eacnamaíoch thábhachtach don cheantar í feirmeoireacht agus tionscail na feamainne.
Modúl Ríomh-fhoghlama
Dia duit, cén chaoi a bhfuil tú?
Oiliúint ríomh-fhoghlama nua, atá ar fáil ag an nasc thíos. Tógann sé thart ar uair an chloig agus is bealach an-mhaith é chun beagán níos mó a fhoghlaim faoin bhfeachtas Dia duit, cén chaoi a bhfuil tú? agus faoin tábhacht a bhaineann le caidreamh agus comhráite oscailte faoi meabhairshláinte.
Treoróidh an oiliúint tú tríd an gCreat H.E.L.L.O., ag cabhrú leat muinín a chothú i gceisteanna ar nós “cén chaoi a bhfuil tú??” ar bhealach deas, measúil, agus ag an am céanna feabhas a chur ar scileanna éisteachta gníomhaí agus comharthaíochta. Mar is eol dúinn, is féidir difríocht mhór a dhéanamh trí cheist shimplí a chur agus am a ghlacadh le haghaidh comhrá.
1 hr
Free
Leabhar na Reiligí
Pictiúr Uiscedhatha
Déan teagmháil linn.
Comhar Chugéal (Leitir Mealláin) Teoranta,
Leitir Mealláin,
Contae na Gaillimhe,
H91 CH7X,
Éire.
+353 91 551 553
.png)